مدرستي

مدرسة

والله همك كبير يا قلبي ومين بيسمعك


يعني شو الله جابرك تروح مدام همك كبير غير العصاية


لا تقولي بدي أتعلم وبدي أكون مطيع وأرد ع ابوي او ع امي ..


هالكلام صار موضة قديمة


صارت المدرسة هلأ للفياعة ونكش الروس وتفريغ الطاقات واظهار المواهب


حابين تعرفو كيف


ناخدها نقطة نقطة لنخلص السطر


1) الفياعة :


الاشي بنقسم لقسمين : 1- طالب 2- طالبة


نبدا فياعة الطالب يا حبيبي نبدا


وما ادراك ما الفياعة ، بصحى الطالب النشيط الصبح من النوم

بقوم بصبحش ع ابو طبعن بضل طاير ع الحمام ليفك زنقتو

وبعدها بغسل بس شعراتو وبحط جل وبزبط امورو

واهم شي الاواعي يكونو مكويين والجربان نضيف وملوش ريحة

وبعدها بروح باخد المصروف كالاسد ليشتري دخان وبنطلق كالصقر الى الشارع

يا ربي النضافة من الايمان اوكي آمنا ، بس شو السر كل هالنضافة كل يوم

اه اه بس يروح من المدرسة بقلك

ما بصدق الدوام يخلص وافعط ع شارع مدرسة البنات والسيجارة بأصابعو بشقلبها شمال يمين

وبفعفط من تمو شي أسود

وبتدحدل شمال يمين برجلي ليلفت انتباه الصبايا

والله يا مدارس

نيجي للقسم التاني من الموضوع

الطالبة البنوتة الامورة ام كنفوش بتقوم من النوم قبل الشحاتة وبنتها

ابو عشرطعشر ساعة ع المراية بتمارس حقها بالطراشة والتبليط والبوية والدواووين والللزي منو

بعدين بتنتقل لمرحلة تانية من مراحل تزبيط الشكل لـ شعرها المنكوش اللي بتمشطو بس كل يوم صبح

بتمسك هالفرشاية وخدلك يا دعك كأنو سججادة الله وكيلكو

وبتخليش زيت بالدار ولا نوع كريم ولا جل الا وبتحط عليه

من زيت الزتون لزيت الخروع لجل البلاط .. الى آخرهي

بعدين بتلبس الاشي هاد تاع المدرسة مكوي ومرتب وتحتو بنطلون سكيني هاد لجديد يحبايبي

بتحطو تحت ع الارض بتثبتو ، وبتنط نط فيه الله وكيلكو

وبعدها مامي بدي مسروفي << بتحكي لأمها ،، ومامتها بتقصرش معاها يختي الدلع الو لزوم

وبعدها بتفسخ ع المدرسة ما شالله عنها صبية امورة مرتبة مزبطة امورها الفياعاتية

وعالترويحة خدلك يابا خدلك

الخمسة بعشرة المزز والممضروب برجع


ازا الشب متحركشش فيها ، بتزت عليه علكة ليتحركش


وببالاخر ما بنحكي الا بموت فيكي يا مدرستي



ابوايوب ضياء

ههههههههههه الخمسة بعشرة المزز والممضروب برجع بيني وبينكم فش صالح الكل برجع